Ишимское орта мектебі бойынша «Рухани-жанғыру»бағдарламсының негізінде «Бір апта ауылда» жобасы бойынша өткізілген жүмыстардың мәліметі.

Ұрпақтан ұрпаққа тараған қонақжайлылық дәстүр бойынша қазақ халқы ерекше көзге түсіп келеді. Қонақты  жақсы қарсы алу, қонақжайлылық таныту, бұл дәстүріңді  құрметтеу, яғни өзіңді сыйлау.

Осыны еске ала отыра біздің мектебіміздің оқушылары Көкшетау қаласының №11 орта мектебінен келген оқушыларды  құшақ жая қарсы алды.

Біздің оқушыларымыз мектеп есігін айқара ашып, қонақтармен флеш-моб ұйымдастырып , би билеп, ән-айтып, ескерткішке фотоға түсті.

Қонақтарымыз ауылымыздың әжелері Қарлығаш Шакеновна, Маржан Базыловна, Лариса Васильевна, Яна Францевна, Ляззат Садыковна оздерінің  Қол өнерін ортаға салды, біреуі биссермен әшекейлеген картиналарын көрсетсе, ал біреулері, құрақ көрпелерін көрсетіп, таныстырды. Қонақ оқушылар ұршық иіру әдісіне  ерекше  мән берді.Қойдың жүнінен жіп әзірлеу әдісін әжелеріміз көрсетіп мастер-класс ұйымдастырды.

История пәнінің мұғалімі Бексеитова Г.О. мектебіміздің «Өлкетану»   мұражайын таныстырып, экскурсия жүргізді.

Содан кейін барлығымыз киелі Қызыл ту ауылына  жол жүріп, «Баубек батырдың»кесенесіне бардық. Оқушылар , әсіресе қонақтарымыз  Баубек батыр туралы  тарих мұғалімдерінің арқасында көп нәрсені  біліп үйренді.

Машинатану кабинетінде қонақ -ұл балалары ерекше қызығушылықпен  трактор саймандарын қарап, дәрісті тыңдады.

Менеджер Фаст Мария қонақтарға  дәмді түскі ас әзірледі.

Түскі астан кейін қонақтармен біздің оқушыларымыздың арасында  биден батл ұйымдастырылды. Оқушылар би шеберлігін ортаға салып, тамаша  бидің әртүрлі қимылдарын   көрсетті.

Бүл күн ерекше есте қалатындай өтті. Келген қонақтарымыз өздерінің ризашылықтарын айтып,осындай тамаша  күнді  ұйымдастырған

ұстаздарымызға облыстық балалар мен жасөспірімдер туризмі, өлкетану және экология орталығынан Алғыс хат табыс етті.